Farzandini ayovsiz kaltaklagan onaga chora ko‘riladi
Ijtimoiy tarmoqlarda bir ayol bolachasini ayovsiz kaltaklayotgani aks etgan videolavha tarqaldi. Ushbu holat keng jamoatchilikning muhokamasiga sabab bo‘ldi.
Holat huquqni muhofaza qiluvchi organlar xodimlari tomonidan o‘rganildi.
Aniqlanishicha, voqea 14 iyun kuni Payariq tumanida sodir bo‘lgan. Tumanning "Boshqo‘rg‘on" mahallasida 1988 yilda tug‘ilgan, ruhiy sog‘lom, turmush o‘rtog‘i bilan istiqomat qilib kelayotgan ayol 2020 yilda tug‘ilgan farzandini davolash uchun shifoxonada bo‘lgan.
Holat yuzasidan Jinoyat kodeksining 110-moddasi 2-qismi "a, v" bandlari bilan jinoyat ishi qo‘zg‘atilib, tergov harakatlari olib borilmoqda.
