Gagarin-Gulobod yo‘li qurilishi uchun 55 ta uy va noturar joy "snos" qilinadi
Qayd qilinishicha, Samarqand shahrining M-37A-avtomobil yo‘lidan Gagarin ko‘chasi orqali Samarqand tumani Gulobod ko‘chasigacha bo‘lgan avtomobil yo‘li qurish va qayta qurish rejalashtirilmoqda.
Qurish va qayta qurish rejalashtirilayotgan yer maydonlarida joylashgan 55 ta turar va noturar joy ob’yektini jamoat ehtiyojlari uchun olib qo‘yish zarurati yuzaga kelgan.
Bu haqda tayyorlangan taqdimot kecha o‘tkazilgan xalq deputatlari viloyat Kengashi sessiyasida tasdiqlangan.
Ma’lum bo‘lishicha, taqdimot materiallari ma’qullanib, mulk egalari bilan qonun talablari asosida ochiq muhokama o‘tkazishga rozilik berilgan.
