Гагарин-Гулобод йўли қурилиши учун 55 та уй ва нотурар жой "снос" қилинади
Қайд қилинишича, Самарқанд шаҳрининг М-37А-автомобиль йўлидан Гагарин кўчаси орқали Самарқанд тумани Гулобод кўчасигача бўлган автомобиль йўли қуриш ва қайта қуриш режалаштирилмоқда.
Қуриш ва қайта қуриш режалаштирилаётган ер майдонларида жойлашган 55 та турар ва нотурар жой объектини жамоат эҳтиёжлари учун олиб қўйиш зарурати юзага келган.
Бу ҳақда тайёрланган тақдимот кеча ўтказилган халқ депутатлари вилоят Кенгаши сессиясида тасдиқланган.
Маълум бўлишича, тақдимот материаллари маъқулланиб, мулк эгалари билан қонун талаблари асосида очиқ муҳокама ўтказишга розилик берилган.
