Karantinda 7 nafar qimorboz qo‘lga olindi
Joriy yilning 4 aprel kuni Jizzax viloyati, Forish tumani ichki ishlar bo‘limi xodimlari tomonidan Egizbuloq mahallasida epidemiyaga qarshi kurashish qoidalarini buzish holati aniqlandi.
Do‘stlik tumani, Bunyodkor mahallasida istiqomat qiluvchi, 1994 yilda tug‘ilgan N.T. 7 nafar o‘rtoqlari bilan spirtli ichimlik iste’mol qilib, qimor o‘ynayotgan vaqtda huquq-tartibot idorasi vakillari ularning qilmishiga chek qo‘ygan.
Jizzax viloyati IIB axborot xizmati xabariga ko‘ra, huquqbuzarlar qonunchilikda belgilangan tartibda jazoga tortiladi.
