Kim qanday fikrda? So‘rovnoma ishtirokchilarining 23 foizi mahallalardagi hokim yordamchilari ishni yaxshi boshladi, deb hisoblashi ma’lum bo‘ldi

Avvalroq kanalimizda “Sizning hududda yaqinda ish boshlagan mahallalardagi hokim yordamchilari faoliyati ko‘zga ko‘rina boshladimi?” savoli bilan so‘rovnoma o‘tkazilgan edi.

Tadqiqotda ishtirokchilarning 23 foizi hokim yordamchilari masalasida “Ha, ishni yaxshi boshladi” degan javobni belgilagan. 12 foiz respondentlar esa hokim yordamchilari faoliyatini “Ozroq sezilyapti” degan javobga to‘xtalgan. Shuningdek, 51 foiz ishtirokchilar ularning faoliyatini “Hali ko‘rmadim” degan fikrda bo‘lsa, 14 foiz o‘quvchilarimiz “Bilmadim” javobini tanlagan.

Shu bilan bir qatorda 30 dan ortiq mushtariylar hokim o‘rinbosarlari faoliyati yuzasidan alohida tartibda o‘z fikr-mulohazalarini yuborgan. Ular orasida hokim yordamchilari faoliyatini qo‘llab-quvvatlayotgan ham, kutilgan natijani ko‘rmayotganini bildirganlar ham talaygina.

Mahallalardagi hokim yordamchilari yangi yo‘nalish bo‘lgani sababli turlicha fikrlar bildirilmoqda. Shu sababdan soha bo‘yicha so‘rovnomalarni yangi savollar bilan davom ettiramiz.