Koreya Respublikasi Prezidenti Samarqandga keldi
Mamlakatimizda davlat tashrifi bilan bo‘lib turgan Koreya Respublikasi Prezidenti Mun Chje In 20 aprel kuni Samarqand shahriga keldi.
Samarqand xalqaro aeroportida oliy martabali mehmonni O‘zbekiston Respublikasi rasmiylari kutib oldi.
Tashrif davomida Samarqandning diqqatga sazovor joylari, xususan, “Afrosiyob” muzeyi, Mirzo Ulug‘bek rasadxonasi, Registon majmuasi, Amir Temur maqbarasi bilan tanishish rejalashtirilgan.
