O‘quvchi maktabdoshini pichoqlab qo‘ydi
Toshkent shahar Olmazor tumanidagi maktablardan birida yuqori sinf o‘quvchilari o‘rtasida janjal yuzaga kelgan. Bu haqda Toshkent shahar IIBB xabar berdi.
Qayd etilishicha, joriy yilning 21 oktyabr kuni taxminan soat 10.00 da 102 ishonch telefoniga Toshkent shahridagi 146-o‘rta umumta’lim maktabining 9-sinfida o‘qiydigan 15 yoshli o‘quvchi 10-sinf o‘quvchisini pichoqlagani haqida xabar kelib tushgan.
Tan jarohati olgan 16 yoshli o‘quvchi shifoxonaga olib borilgan.
Holat yuzasidan surishtiruv ishlari boshlangani xabar qilinmoqda.
