Ozarbayjonda koronavirusdan ilk o‘lim holati qayd etildi
Erondan vataniga qaytgan va karantinga joylashtirilgan ozarbayjonlik ayol vafot etdi. Bu haqda mamlakat vazirlar mahkamasi huzuridagi tezkor shtab ma’lum qildi.
“Ayolda koronavirus infeksiyasi simptomlari aniqlangandi. U karantinga joylashtirilgandi, ammo ayolning hayotini saqlab qolishning iloji bo‘lmadi“, — deyiladi shtab xabarida.
10 mart kuni Ozarbayjon hukumati mamlakatda Navro‘z bayrami tadbirlarini o‘tkazishni bekor qildi.
Avvalroq, Ozarbayjonda koronavirus yuqtirganlar soni 15 nafarga yetgani xabar qilingandi.
