Palmadagi vulqon portlash bosqichida

Olimlarning fikricha, bir hafta oldin Kanardagi Palma orolida boshlangan vulqon portlash bosqichiga yetib keldi. Bu esa mahalliy aholi uchun katta xavf tug‘diradi. Paydo bo‘lgan yangi yoriqdan oldingiga nisbatan yuqori tezlikda oqayotgan lava yo‘lida uchragan hamma narsani kul qilmoqda.

25 sentyabr, shanba kuni havoga kul chiqarish ko‘paydi va ko‘rish darajasi yomonlashgani sababli havo maydoni yopildi. Uchish-qo‘nish yo‘lagini kuldan tozalash katta harakat talab etadi. Orol bilan havo qatnovi hali tiklanmagan va Palma shahrini tark etmoqchi bo‘lgan minglab odamlar Ispaniyaga soni va reyslari oshirilgan paromlarda ketmoqda. 6 mingdan ortiq odam evakuatsiya qilindi.

Vulqon uyg‘onganidan buyon 200 gektarga yaqin maydon lava bilan qoplandi, 450 dan ortiq uy vayron bo‘ldi. Agar faollik davom etsa, yana 2 mingga yaqin uy vayron bo‘lishi mumkin.

Hozir lava oqimi okean sohiliga yaqinlashmoqda, unga ikki kilometrdan ham ozroq masofa qoldi. Qizigan jinsning sho‘r suvga tushishi esa havoga zaharli gazlar tashlanishiga olib keladi.