Past Darg‘omdagi bekatning egasi bormi?

Past Darg‘om tumani Juma shahri (statistika bo‘limi ro‘parasi)dagi bekatda yo‘lovchilar uchun sharoit yo‘qligi yetmaganidek, yog‘ingarchilik kunlari bu yerga suv to‘planishi odamlarga noqulaylik tug‘dirmoqda.

Uning ustiga hududga yon-atrofdan, yo‘lovchilar tomonidan tashlanadigan chiqindilarning to‘planishi ham ta’bni xira qiladi. Unga na bekat mutasaddilari, na unga yondosh “Gulshod” maishiy xizmat uyi, “Lola” restorani rahbarlari e’tibor beradi.

Bunday noqulaylik va antisanitariya holati qachon bartaraf etiladi?

Manba: pdh.uz