Payariq tumanida ichimlik suvi iste’molchilaridan undirilgan mablag‘larni o‘zlashtirgan nazoratchi aniqlandi

Bosh prokuratura huzuridagi Departamentning Payariq tuman bo‘limi tomonidan o‘tkazilgan tergovga qadar tekshiruvda, “S.s” MChJ tuman filiali nazoratchisi Sh.Yu. (muqaddam JKning 167-moddasi bilan sudlangan) o‘ziga biriktirilgan hududdagi ichimlik suvi iste’molchilaridan undirilgan 106 mln so‘mni o‘zlashtirish yo‘li bilan talon-toroj qilganligi aniqlangan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.