Payariqda ''ISUZU'' rusumli yuk avtomobili yonib ketdi
Bugun, 5 avgust kuni soat 14:00 da Payariq tumani ʼ"Go‘zalʼʼ mahalla fuqarolar yig‘ini hududida joylashgan tuman tibbiyot birlashmasiga qarashli tez tibbiy yordam binosining yonida ''ISUZU'' rusumli yuk avtomobilida yong‘in sodir bo‘lganligi to‘g‘risida tuman favqulodda vaziyatlar bo‘limiga xabar berilgan.
Xabarga ko‘ra, soat 14:05 da voqea joyiga 3 ta yong‘in-qutqaruv ekipaji yetib borib, yong‘inni soat 14:30 da o‘chirgan.
Hodisa oqibatida tan jarohati olganyoki halok bo‘lganlar yo‘q.
Hozirda tergovga qadar tekshirish ishlari olib borilib, yong‘inning kelib chiqish sababi va zarari anqlanmoqda.
