Пайариқда ''ISUZU'' русумли юк автомобили ёниб кетди

Бугун, 5 август куни соат 14:00 да Пайариқ тумани ʼ"Гўзалʼʼ маҳалла фуқаролар йиғини ҳудудида жойлашган туман тиббиёт бирлашмасига қарашли тез тиббий ёрдам биносининг ёнида ''ISUZU'' русумли юк автомобилида ёнғин содир бўлганлиги тўғрисида туман фавқулодда вазиятлар бўлимига хабар берилган.

Хабарга кўра, соат 14:05 да воқеа жойига  3 та ёнғин-қутқарув экипажи етиб бориб, ёнғинни соат 14:30 да ўчирган.

Ҳодиса оқибатида тан жароҳати олганёки ҳалок бўлганлар йўқ.

Ҳозирда терговга қадар текшириш ишлари олиб борилиб, ёнғиннинг келиб чиқиш сабаби ва зарари анқланмоқда.