Payariqlik Izzatulla Rahmonov yutuqli chek o‘yinida velosiped yutdi

Davlat soliq qo‘mitasi tomonidan har oyda o‘tkazib kelinayotgan yutuqli chek o‘yinlarining joriy yildagi dastlabki tiraji 2021 yil 30 yanvar kuni bo‘lib o‘tgan edi.

Ushbu tirajda Payariq tumanida istiqomat qiluvchi Izzatulla Rahmonov velosiped yutib oldi.

Uning aytishicha, AYoQShda amalga oshirgan 35 ming so‘mlik xaridi uchun olgan chekini ro‘yxatdan o‘tkazgan. Yutuqli chek o‘yini sovrinini viloyat davlat soliq boshqarmasi boshlig‘ining birinchi o‘rinbosari Farrux Axmedjanov topshirdi.

Joriy yildan boshlab yutuqli o‘yinlarda sovg‘alar soni 25 taga yetkazildi. Super yutuq sifatida har bir tirajga Chevrolet Spark qo‘yilmoqda. Navbatdagi tiraj o‘tkazilishiga ham oz fursat qoldi. Amalga oshirgan xaridingiz uchun chekni ro‘yxatdan o‘tkazing: bu bilan davlat byudjetiga tushum tushishini ta’minlashingizni va yutuq sohibi bo‘lishingizni unutmang!