"Prava"ni yangisiga almashtirish bo‘limlari haqida bilasizmi?

Eski namunadagi milliy haydovchilik guvohnomasini yangisiga almashtirish xizmati 16 fevralda Samarqand shahar davlat xizmatlari markazida qayta tiklandi. Biroq tarqalayotgan asossiz gap-so‘zlar tufayli markazda uzun navbatlar hosil bo‘lmoqda.

Fuqarolarga qulaylik yaratish maqsadida eski namunadagi milliy haydovchilik guvohnomalari viloyat IIB yo‘l harakati xavfsizligi boshqarmasi va uning ro‘yxatdan o‘tkazish va imtihon olish hududiy bo‘limlarida ham yangisiga almashtirib berilmoqda.

Jumladan:
- viloyatimiz aholisi viloyat IIB YHXB;

- Oqdaryo tumanidagi ro‘yxatdan o‘tkazish va imtihon olish bo‘limi;

- Kattaqo‘rg‘on tumandagi ro‘yxatdan o‘tkazish va imtihon olish bo‘limi;

- Samarqand tumani (Darg‘om)dagi ro‘yxatdan o‘tkazish va imtihon olish bo‘limida ushbu xizmatdan foydalanishlari mumkin.

Eslatib o‘tamiz, siz mazkur bo‘limlarda eski haydovchilik guvohnomangizni yashash joyingizdan qat’iy nazar yangi namunadagisiga almashtirish imkoniga egasiz.