Rekord yordamlar: AQSh NATO Sharqiy bloki mamlakatlariga va Ukrainaga eng katta yordam paketini e’lon qildi

Qo‘shma Shtatlar NATOning sharqiy blokidagi mamlakatlarga tarixdagi eng yirik harbiy yordam paketi doirasida qurol sotib olish uchun 682 million dollar ajratmoqda, dedi Oq uy matbuot kotibi Karin Jan-Per.

Mablag‘lar rekord darajadagi 3 milliard dollarlik harbiy yordam paketining bir qismidir.

Shuningdek, AQSh Ukrainaga tarixdagi eng katta — 3 milliard dollarlik yordam paketini yuboradi, dedi Oq uy matbuot kotibi Karine Jan-Per.

"Qo‘shma Shtatlar Ukrainaning o‘zini himoya qilish qobiliyatini ta’minlash bo‘yicha qat’iy sodiqligini namoyish etadi", dedi u brifingda.

Pentagon tomonidan e’lon qilingan bayonotga ko‘ra, paketga radar tomonidan boshqariladigan RIM-7 Sea Sparrow zenit raketalari kiritilgan. Raketalarning aniq soni, shuningdek, ularni qaysi platformadan uchirish rejalashtirilgani aytilmagan. Ayni paytda, Politico gazetasi yozganidek, bu turdagi dushman samolyotlari yoki qanotli raketalarini tutib olish uchun dengizdan ham, quruqlikdan ham uchirilishi mumkin.