Samarqand viloyati bosh arxitektori Bobur Elmurodov, viloyat davlat qurilishini nazorat qilish inspeksiyasi boshlig‘i Shokir Ilmurodov e’tiboriga!
Chelak shahri markazidagi Motamsaro ona haykali atrofidagi noqonuniy qurilishlardan xabaringiz bormi? Yodgorlik atrofi obod xiyobon bo‘lishi kerak emasmi?
To‘g‘ri, 2017 yilda Payariq tumani hokimligi ushbu yodgorlik yonidan yengil konstruksiyali savdo shoxobchalari qurishga ruxsat bergan. Ammo bu yerda shlakoblok g‘ishtdan savdo shoxobchalari qurilayotgani amaldagi qonun-qoidalarga nechog‘li to‘g‘ri keladi?
Sizlardan iltimos, shu joyga mutaxassis yuborib, vaziyatni o‘rganib, bu tartibsizlikni bartaraf etish choralarini ko‘rsangiz.
Sobir ORTIQOV,
Payariq tumani, Chelak shahri.
