Samarqand viloyati hokimining QARORI

25.04.2020 09:41
544
Samarqand

Qattiq maishiy chiqindilar to‘planishining eng kam me’yorlarini tasdiqlash to‘g‘risida

O‘zbekiston Respublikasi Prezidentining 2019 yil 17 apreldagi
“2019—2028 yillar davrida O‘zbekiston Respublikasida qattiq maishiy chiqindilar bilan bog‘liq ishlarni amalga oshirish strategiyasini tasdiqlash to‘g‘risida”gi PQ-4291-sonli qarori bilan tasdiqlangan 2019-2028 yillarda O‘zbekiston Respublikasida qattiq maishiy chiqindilar bilan bog‘liq ishlar strategiyasining 40-bandi ijrosini ta’minlash maqsadida O‘zbekiston Respublikasi Ekologiya va atrof-muhitni muhofaza qilish davlat qo‘mitasi tomonidan qattiq maishiy chiqindilarni to‘planish me’yorlarini aniqlash bo‘yicha o‘tkazilgan eksperimental tadqiqot va xronometraj natijalarini inobatga olib QAROR QILAMAN:

1. Viloyat hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari (A.Shukurov), viloyat ekologiya va atrof muhitni muhofaza qilish boshqarmasi (D.Achilov), “Toza hudud” DUK (Z.Yusupov), viloyat sanitariya-epidemiologik osoyishtalik markazi (X.Boymurodov)ning qattiq maishiy chiqindilar to‘planishining eng kam me’yorlarini tasdiqlash to‘g‘risidagi takliflari ma’qullansin.

2. Viloyatda qattiq maishiy chiqindilar to‘planishining eng kam me’yorlari (keyingi o‘rinlarda – me’yorlar) ilovaga muvofiq tasdiqlansin.

3. Viloyat ekologiya va atrof-muhitni muhofaza qilish boshqarmasi (D.Achilov) viloyatdagi barcha sanitar tozalash korxonalari bilan birgalikda hududlarni sanitariya jihatdan tozalash ishlarini mazkur qaror bilan tasdiqlangan me’yorlar asosida tashkil etilishini ta’minlasin.

4. Belgilab qo‘yilsinki, me’yorlardan:

sanitar tozalash korxonalari faoliyatlarini oldindan rejalashtirish;

chiqindi tashish texnikalari, mexanizmlar va uskunalarga bo‘lgan talab va ehtiyojlarni hisob-kitob qilish;

sanitar tozalash korxonalari tomonidan maishiy chiqindilarni yig‘ish va aholi punktlaridan olib chiqish xizmatini ko‘rsatish;

yuridik shaxslar bilan shartnomalar tuzish;

maishiy chiqindilarni utilizatsiya qilish, zararsizlantirish, qayta ishlash sohasining usullarini belgilash maqsadlarida foydalaniladi.

5. Viloyat hokimligi axborot xizmati - matbuot kotibi (M.Mirzayev), viloyat hokimligi huzuridagi “Axborot kommunikatsiya texnologiyalarini rivojlantirish markazi” davlat unitar korxonasi (A.Anvarov) ushbu qarorni “Zarafshon” va “Samarkandskiy vestnik” gazetalarida rasman e’lon qilinishini va viloyat hokimligining rasmiy veb-saytiga joylashtirilishini ta’minlasinlar.

6. Ushbu qarorning ijrosini nazorat qilish viloyat hokimining o‘rinbosari A.Shukurov zimmasiga yuklatilsin.

7. Mazkur qaror rasmiy e’lon qilingan kundan boshlab kuchga kiradi.

Viloyat hokimi E.Turdimov

2020 yil 22 aprel,

№59-Q

Viloyat hokimining 2020 yil 22 apreldagi 59-sonli qaroriga ilova

Viloyatda qattiq maishiy chiqindilar to‘planishining eng kam me’yorlari

T/r	Qattiq maishiy chiqindilarni yig‘ish ob’yektlari	Hisob birligi	Qattiq maishiy chiqindilarni bir kunlik to‘planish me’yorlari kg/hisob birlik
Turar joylar
1	Uy joy fondi (ko‘p kvartirali uylar va yakka tartibdagi)	1 kishi (istiqomat qiluvchi)	0,780
Noturar joylar
2	Ma’muriy va boshqa muassasalar (tashkilotlar, ofislar, idoralar, banklar va h.k.)	1 xodim	0,205
3	Mehmonxonalar, umumiy yotoqxonalar, dam olish maskanlari va h.k.	1 o‘rin	0,304
4	Internatlar, mehribonlik (bolalar) uylari, qariyalar uylari va h.k.	1 o‘rin	0,241
5	Umumiy ovqatlanish korxonalari (kafelar, restoranlar, oshxonalar, barlar va h.k.)	1 o‘rin	0,526
6	Bolalar bog‘chalari, yaslilari va h.k.	1 o‘rin	0,052
7	Maktablar, kollejlar, oliy ta’lim muassasalari va boshqa o‘quv muassasalari	1 o‘quvchi, talaba	0,017
8	Poliklinikalar	1 tashrif buyuruvchi	0,111
9	Shifoxonalar, sanatoriyalar, sihatgohlar, boshqa davolash-profilaktika muassasalari va h.k.	1 yotoq o‘rni	0,375
10	Teatrlar, kinoteatrlar, konsert zallari, kutubxonalar, klublar, avtomat o‘yin zallari va h.k.	1 o‘rin	0,033
11	Sartaroshxonalar, go‘zallik salonlari va h.k.	1 o‘rin	0,159
12	Stadionlar, sport arenalari, sport maydonchalari va h.k.	loyiha bo‘yicha 1 o‘rin	0,0002
13	Bozorlar, supermarketlar, gipermarketlar, oziq-ovqat do‘konlari, sanoat mollari do‘konlari, yarmarkalar, xo‘jalik mollari do‘konlari, savdo pavilonlari, kioskalar, palatkalar va h.k.	1 m² savdo maydonchasi	0,073
14	Dorixonalar	1 m² savdo maydonchasi	0,06
15	Ko‘chma oziq - ovqat do‘konlari	1 savdo o‘rni	2,937
16	Muzeylar, ko‘rgazmalar va h.k.	1 m² umumiy maydon	0,012
17	Sport, raqs, o‘yin zallari va h.k.	1 m² umumiy maydon	0,002
18	Ulgurji savdo bazalari, oziq-ovqat va sanoat mollari, omborlari va h.k.	1 m² umumiy maydon	0,056
19	Vokzallar, avtovokzallar, aeroportlar va h.k.	1 m² umumiy maydon	0,004
20	Maishiy xizmat uylari: aholiga xizmat ko‘rsatish	1 m² umumiy maydon	0,002
21	Kirxonalar (kir yuvish), ximchistkalar, kiyim tikish va ta’mirlash atelelari, poyabzal ta’mirlash ustaxonalari va h.k.	1 m² umumiy maydon	0,028
22	Hammomlar, saunalar va h.k.	1 m² umumiy maydon	0,018
23	Maishiy va elektron texnikalarni ta’mirlash ustaxonalari va h.k.	1 ish o‘rni	0,351
24	Avtomobil turar joylari, avtomobil yuvish shoxobchalari, avtomobil ta’mirlash ustaxonalari, yoqilg‘i quyish shoxobchalari (AYoQSh), garajlar va h.k.	1 mashina-o‘rni	3,894
25	Ommaviy yig‘ilish tadbirlarini o‘tkazadigan yuridik shaxslar.	1000 qatnashuvchi	0,042