Samarqandda ikkinchi bor «SILK ROAD BAZAAR» festivali o‘tkaziladi
Samarqand shahrida joriy yilning 27-28 sentyabr kunlari qadim Sharq bozorlari an’analarini o‘zida mujassamlashtirgan «SILK ROAD BAZAAR» milliy hunarmandchilik va savdo festivali o‘tkaziladi.
Unda mamlakatimiz viloyatlaridan kelgan hunarmandlar o‘z mahsulotlari bilan ishtirok etadi. Festival doirasida savdo yarmarkalari tashkil etilib, folklor-etnografik jamoalar, estrada xonandalari chiqishlari, teatrlashtirilgan tomoshalar namoyish qilinadi.
O‘tgan yilning 24-26 avgustida festival ilk marta tashkil etilgandi.
