Samarqandda “O‘zbekiston-Qozog‘iston biznes-forumi” bo‘lib o‘tdi
Qozog‘iston Respublikasining “Ostana diplomatik klubi” prezidenti Kayirbolat Saxmetov boshchiligida 60 ta korxona vakillaridan iborat delegatsiya Samarqandga keldi.
Shu munosabat bilan Samarqand shahridagi yoshlar markazida O‘zbekiston-Qozog‘iston biznes-forumi va “V2V” formatida hamkorlik uchrashuvlari o‘tkazildi.
Mazkur biznes-forumda 200 nafarga yaqin tadbirkorlik sub’yektlari qozog‘istonlik ishbilarmonlar bilan tibbiyot, farmatsevtika, mashinasozlik, IT zamonaviy texnologiyalari, konsalting, dizayn, oziq-ovqat, transport, logistika, ta’lim, savdo, mehmonxona, qishloq xo‘jaligi, tekstil, gilam mahsulotlar, ipakchilik, chorvachilik, qurilish va boshqa yo‘nalishlar bo‘yicha o‘zaro tajriba almashdi.
Biznes-forum yakunida ikki davlat ishbilarmonlari o‘rtasida eksport-import, xorijiy investitsiyalarni jalb qilish, qo‘shma korxonalar ochish yuzasidan hamkorlikni yo‘lga qo‘yish bo‘yicha shartnoma va memorandumlar imzolandi.
Savdo sanoat palatasi viloyat hududiy boshqarmasi axborot xizmati.
