Samarqandlik Islomjon Bahromov Osiyo chempionatida bronza medalini qo‘lga kiritdi

Joriy yilning 18-23 fevral kunlari Hindistonning Nyu-Dehli shahrida sport kurashlari bo‘yicha kattalar o‘rtasida Osiyo chempionati o‘tkazilmoqda.

Chempionatning ikkinchi kungi bellashuvlari yurtdoshlarimiz uchun omadli keldi. Samarqandlik kurashchi Islomjon Bahromov (-60 kilogramm) vazn toifasida bronza medali uchun kechgan bahsda g‘alabaga qozondi. Bu haqida viloyat Jismoniy tarbiya va sport boshqarmasi axborot xizmati ma’lum qildi.

Bahromov hindistonlik raqibi Gyanender Gyanenderga qarshi gilamga chiqib, uni 6:0 hisobida mag‘lubiyatga uchratdi.

Ma’lumot uchun, Islomjon Bahromov chorak finalda tojikistonlik Firuz Mirzorajabovni 9:0 hisobida taslim etgan. Lekin yarim finalda yaponiyalik Kenichiro Fumitaga yutqazib qo‘ygan edi.