Samarqandlik o‘quvchilar CASPIAN CUP-2025 xalqaro olimpiadada muvaffaqiyatli qatnashdi

Ozarbayjon poytaxti Boku shahrida mental arifmetika bo‘yicha CASPIAN CUP-2025 xalqaro olimpiadasi bo‘lib o‘tdi.

Unda Ozarbayjon, O‘zbekiston, Buyuk Britaniya, Shveysariya, Rossiya, Qozog‘iston kabi 15 ta davlatdan 200 nafardan ortiq o‘quvchilar ishtirok etdi.
Ushbu xalqaro olimpiadada o‘quvchilar Start va Intermediate kategoriyalarida o‘zaro bellashdi. Viloyatimiz vakillari bir qancha sovrinli o‘rinlarni egallagan bo‘lsa, Samarqand shahridagi Al-Xorazmiy nomidagi ixtisoslashgan maktabning 2-sinf o‘quvchisi Diyorbek Shokirov faxrli birinchi o‘rin sohibi bo‘ldi.