Shohrux repper deputat etib saylandi
Taniqli repper Shohrux Shodmonov O‘zLiDePdan Toshkent shahar Chilonzor tumani kengashiga xalq deputati etib saylandi.
Bu haqda xonandaning o‘zi instagramdagi rasmiy sahifasi orqali ma’lum qildi.
“Aziz hamyurtlar! Mana, sizlarning ovozlaringiz bilan Toshkent shahar Chilonzor tumani kengashiga xalq deputati bo‘lib saylandim. Mendan balandparvoz gaplarni kutmang, fikrimcha, har bir deputat saylangan hududida bor muammolar bilan ishlash kerak, xalq esa baho beradi. Barchangizdan minnatdorman! Ishonchingiz uchun rahmat!” deya post qoldirgan repper.
