Statistikalar olami: hatto raqamlarni yoqtirmaydigan uchun ham qiziq bo‘lgan faktlar
Ushbu maqolada atrofimizdagi dunyo haqida bir oz ko‘proq ma’lumot beradigan qiziqarli statistik faktlar to‘plangan. Masalan, AQShda har kuni 1700 kishi millionerga aylanishini eshitganmisiz? Chaqaloqlar ko‘pincha payshanba kuni tug‘ilishini-chi?
ADME sayyoramizda sodir bo‘layotgan voqealar bilan bog‘liq eng qiziqarli faktlar bilan o‘rtoqlashdi.
Bangladesh aholisi Rossiya aholisidan ko‘p
Bangladeshning maydoni Rossiya hududidan deyarli 116 baravar kichik bo‘lishiga qaramay bugungi kunma’lumotlarga ko‘ra, bu kichik mamlakat aholisi Rossiya aholisidan 20 milliondan oshiqroq.
Yulduzlar daraxtlardan kam
Statistik ma’lumotlarga ko‘ra, Yerdagi daraxtlarSomon yo‘lidagi yulduzlarga qaraganda ko‘proq ekan. Hozirda sayyoramizda 3 trillionga yaqin daraxt bo‘lsa, Yer va quyosh tizimini o‘z ichiga olgan galaktikada 400 milliard yulduz bor.
Xitoy – “tilla” respublika
Xitoy Xalq Respublikasida boshqa mamlakatlargaqaraganda ko‘proq oltin qazib olinadi. Tadqiqotlar o‘n yildan ortiq vaqt davomida XXRdaoltin qazib olish yiliga 440 tonnani tashkiletganini aniqladi.
Yer aholisi ming yil ichida 22 baravargako‘paygan
1000-yildan 2000-yilgacha bo‘lgan davrda Yer aholisi 22 baravarga ko‘paydi. 1000 yilning 1 iyulida sayyorada 275 000 000 kishi yashagan bo‘lsa, 2000 yilning 1 iyuliga kelib, Yer yuzida 6 145 006 989 aholi bo‘lgan.
Bir kishi butun umri davomida Yerni 4,5 marta aylanib chiqishi mumkin
Odam kuniga o‘rtacha 7500 qadam yuradi, o‘rtacha umr ko‘rish esa 80 yil. Aynan shu ma’lumotlarga asoslanib, tadqiqotchilar bir umr davomida bir kishi 180 000 kilometrgacha piyoda yurishi mumkinligini hisoblab chiqishdi. Bu masofa Yerni ekvator bo‘ylab 4,5 marta aylanib chiqish bilan teng.
Shanba kuni chaqaloqlar kam tug‘iladi
Statistika mutaxassislari haftaning qaysi kunida eng ko‘p bolalar tug‘ilishini aniqladilar.Yetakchi o‘rin payshanba kuniga tegishli (17,5%), dushanba kuni 2-o‘rinni egalladi (14,2%), tug‘ilish uchun eng nomaqbul kun - shanba (12,5%), ta’kidlashadi mutaxassislar.
McDonald’s soniyasiga 75 ta burger sotadi
Eng mashhur tez ovqatlanish restoranlaridan biri McDonald’s sekundiga taxminan 75 dona gamburger sotadi. Kompaniyaning ma’lum bir vaqt ichida qancha mahsulot sotilgani va qancha mijozlarga xizmat ko‘rsatilishini kuzatadigan maxsus veb-sayti bor.
AQShda kuniga 1700 millioner paydo bo‘ladi
Dunyoda millionerlar biz o‘ylagandan ham ko‘pekan. Masalan, AQShda har kuni 1700 kishi millionerga aylanadi. Statistik ma’lumotlar Amerikada (ko‘chmas mulk va hashamatli zeb-ziynat buyumlaridan tashqari) yiliga 1 million dollardan ortiq daromadga ega 8 milliondan ortiq uy xo‘jaliklari borligi haqida gapiradi.
