Toshkentda bo‘lib o‘tayotgan seminarda zarnews.uz alohida e’tirof etildi

15-20 aprel kunlari Toshkent shahrida "O‘zbekiston mustaqil bosma va elektron ommaviy axborot vositalari va axborot agentliklarini qo‘llab-quvvatlash va rivojlantirish jamoat fondi" tomonidan "Faol investitsiyalar va ijtimoiy rivojlanish yo‘li" Davlat dasturi doirasida amalga oshirilayotgan islohotlarni OAV orqali jamoatchilikka samarali yetkazish masalalari" mavzusida respublika anjumani va hududiy seminarlar tashkil etildi.

Ushbu seminarda hududlardagi bosma va elektron nashrlarning yanada samarali ishlashi uchun tavsiyalar berildi.

Bizni xursand qilgani, seminarda qatnashgan zarnews.uz nyusmeykerining xabar berishicha, viloyatlarda faoliyat yurgizayotgan bosma nashrlarning elektron variantlarining faoliyati tahlil qilinganda zarnews.uz sayti alohida e’tirof etildi. Seminar ishtirokchilariga mahorat darsi o‘tib bergan ustozlarning qayd etishlaricha, saytimiz oxirgi paytlarda muhim va qiziqarli xabarlar berishda, tezkorlik bilan ishlashda turli viloyatlarda ishlayotgan saytlar orasida alohida ajralib turibdi.

Seminarda saytimizni yanada ommalashishi uchun nimalar qilish kerakligi va xabarlar bilan qanday ishlash haqida tavsiyalar ham berildi.