Toshkentda katta futbol: Bugun O‘zbekiston milliy terma jamoasi Turkmaniston jamoasiga qarshi bahs olib boradi
Futbol bo‘yicha O‘zbekiston milliy terma jamoasi bugun JCh-2026 2-saralash bosqichi doirasida beshinchi tur uchrashuvini o‘tkazadi.
Srechko Katanets shogirdlari bu turda qo‘shni Turkmaniston jamoasiga qarshi bahs olib boradi. Uchrashuv soat 19:30 da "Bunyodkor" stadionida boshlanadi.
Terma jamoamiz futbolchilari to‘liq oq, darvozabonimiz eqora libosda, turkmanistonliklar esa yashil libosda maydonga tushadi.
Eslatib o‘tamiz: O‘zbekiston o‘z guruhida Eron terma jamoasidan keyin, 10 ochko bilan ikkinchi o‘rinda bormoqda.
