Toyloqda ham Yoshlar festivali o‘tkazilyapti

Toyloqda start olgan «Yangi O‘zbekiston yoshlari, birlashaylik!» shiori ostidagi festival «Salomatlik uchun 5 ming qadam» piyoda yurish marafonidan boshlandi.

 Tuman sektor rahbarlari, korxona-tashkilotlar va muassasalar xodimlari, mehnat faxriylari, sportchilar, yoshlar  va keng jamoatchilik vakillari markaziy o‘yingohda tan va ruh salomatligiga xizmat qiluvchi ertalabki badantarbiya mashg‘ulotlarni bajardi.

Festival doirasida «Yoshlar» istirohat bog‘ida madaniy-ma’rifiy tadbirlar, sport musobaqalari, harbiy qurol-aslahalar ko‘rgazmasi,  sog‘lom ovqatlanish va salomatlik burchagi, bo‘sh ish o‘rinlari yarmarkasi, kitobxonlik  va boshqa qator tanlovlar tashkil etilgan.