Urgutda yuk mashinasi yo‘l chetiga ag‘darilib ketdi
Ijtimoiy tarmoqlarda “GAZ-53A” rusumli yuk mashinasi yo‘lning chetki qismiga ag‘darilib ketganligi aks etgan videolavha tarqaldi. Samarqand viloyati IIB axborot xizmati holat yuzasidan ma’lumot berdi.
Aniqlanishicha, voqea 2 noyabr kuni soat 15:00 larda Urgut tumani Mo‘minobod-1 mahallasi ichki yo‘lida sodir bo‘lgan.
Ushbu yuk mashinasi haydovchisining ehtiyotsizligi oqibatida boshqaruvni yo‘qotib, yo‘lning chetidagi ariqqa tushib ketgan.
Hodisada tan jarohati olganlar yo‘q.
Viloyat IIB YHXB yana bir bor haydovchilardan yo‘llarda hushyor bo‘lishlarini so‘raydi.
