Paxtachida avtobus va yuk mashinasi o‘rtasida YTH sodir bo‘ldi
Kecha, 2-aprel kuni Paxtachi tumanida avtobus va yuk mashinasi o‘rtasida yo‘l-transport hodisasi sodir bo‘ldi.
Holat soat 07:00 larda tumanning "Suluvqo‘rg‘on" mahalla fuqarolar yig‘ini hududidan o‘tuvchi M-37 avtomobil yo‘lida yuz bergan. Unda «Yutong» rusumli avtobus haydovchisi "Samarqand - Navoiy" yo‘nalishida avtoulovni boshqarib borib, o‘zidan oldinda harakatlanib, yo‘lning belgilangan qismidan qayrilib olayotgan «ZIL» yuk avtomobilini orqa qismidan kelib urgan.
"YTH oqibatida jarohatlanganlar tuman tibbiyot birlashmasiga yetkazildi.
Holat yuzasidan Paxtachi tumani IIB tergov bo‘limi tomonidan jinoyat ishi qo‘zg‘atilib, dastlabki tergov harakatlari olib borilmoqda", deyiladi viloyat IIB yo‘l harakati xavfsizligi boshqarmasi xabarida.
