Xalq ta’limi vazirligi sobiq deputatni sudga berdi

Ommaviy axborot vositalari vakillari tomonidan Xalq ta’limi vazirligiga fuqaro Qobul Dusovga nisbatan sudga da’vo arizasi ochilgani yuzasidan savollar kelib tushdi.

Mazkur murojaatlarga javoban Xalq ta’limi vazirligi quyidagilarni ma’lum qildi:

 "Darhaqiqat, Xalq ta’limi vazirligi o‘zining sha’ni, qadr-qimmati va ishchanlik obro‘siga putur yetkazuvchi ma’lumotlar tarqatganligi uchun fuqaro Qobul Dusovdan raddiya berishni talab qilib, fuqarolik sudiga murojaat qilgan.

Sud jarayoni yakuni bo‘yicha qo‘shimcha ma’lumotlar taqdim etilishini bildiramiz".