YTH oqibatida “Lacetti” yonib ketdi

Joriy yilning 28 iyul kuni soat 18:50 larda Sirdaryo viloyati Sirdaryo tumani hududidan o‘tgan M-34 yo‘lining 103-kilometrida haydovchi, 1969 yilda tug‘ilgan N.E. “Isuzu” rusumli avtomashinani “Toshkent-Guliston” yo‘nalishida boshqarayotib, “Guliston-Toshkent” yo‘nalishida harakatlanib kelib, ruxsat etilgan joydan qayrilib olgan haydovchi, 1986 yilda tug‘ilgan M.A. boshqaruvidagi “Lacetti” rusumli transport vositasining orqa tomoniga borib urilgan.

Zarb oqibatida “Lacetti” rusumli avtomobil haydovchisi boshqaruvni yo‘qotib, qarama-qarshi bo‘lakni ajratuvchi beton to‘siqqa urilgan va avtomashinada yong‘in yuzaga kelgan.

“Lacetti” rusumli transport vositasi haydovchisi M.A. va yo‘lovchilari N.A., I.M., A.M.lar zudlik bilan evakuatsiya qilingan.

IIV YHXBB axborot xizmatining xabar berishicha, YTH va yong‘in oqibatida tan jarohati olganlar yo‘q.

Holat yuzasidan Sirdaryo tumani IIB huzuridagi tergov bo‘linmasi tomonidan tergovoldi surishtiruv ishlari olib borilmoqda.