Одил Аҳмедов Ўзбекистонга инсонпарварлик ёрдами юборди
Футбол бўйича Ўзбекистон терма жамоаси сардори, «Shanghai International Port Group» (SIPG) клуби ўйинчиси Одил Аҳмедов мамлакат тиббиёт муассасаларига инсонпарварлик ёрдами юборди. Бу ҳақда «Дунё» ахборот агентлиги хабар берди.
Маълумот берилишича, яқин орада Ўзбекистоннинг Пекиндаги элчихонаси ва Шанхай шаҳридаги Бош консулхонаси ёрдамида Ўзбекистонга тиббий комбинезонлар, ҳимоя кўзойнаклари ва шлемлар етиб келади.
