Ўзбекистон кубоги мусобақасида самарқандликлар 22 та медални қўлга киритди
Самарқанд эшкак эшиш каналида байдарка ва каноэда эшкак эшиш бўйича Ўзбекистон кубоги мусобақаси якунланди.
Унда Қорақалпоғистон Республикаси, Тошкент, Навоий, Сирдарё, Фарғона, Самарқанд вилоятлари ҳамда Тошкент шаҳри жамоаларининг 300 нафардан ортиқ спортчиси беллашди.
Кубок баҳсларида медаллар жамғариш бўйича тошкентликларнинг қўли баланд келди. Иккинчи ўрин 8 та олтин, 7 та кумуш ва 7 та бронза медалларини жамғарган мезбонларга насиб этди.
Самарқанд туманида яшовчи опа-сингил Мафиза ва Мунаввар Акбаровалар биттадан олтин ва бронза медалларини қўлга киритиб, мусобақанинг энг яхши иштирокчилари, деб топилди.
Мусобақа доирасида ташкил этилган параканоэчилар баҳсида самарқандлик ёш қайиқчиларга тенг келадигани топилмади.
Ҳусан ЭЛТОЕВ.
