Польша президентида коронавирус аниқланди – у яқинда Зеленский билан учрашган
Польша президенти Анджей Дудада коронавирус инфекцияси аниқланди. Бу ҳақда 24 октябрь куни мамлакат раҳбарининг матбуот котиби Блажей Спихальский маълум қилди.
“Президент Анджей Дуда кеча коронавирус инфекциясига таҳлил топширди. Натижа “ижобий” (яъни, коронавирус қайд этилган)”, деб ёзди Спихальский ўзининг Твиттер саҳифасида.
Унинг сўзларига кўра, президент ўзини яхши ҳис қилмоқда.
Дуда 11-13 октябрь кунлари расмий ташриф билан Украинага борганди. Хусусан, ташриф чоғида у Украина президенти Владимир Зеленский билан учрашган.
