Қирғизистоннинг собиқ президенти Алмазбек Атамбаев уйига яна ҳужум бошланди

Қирғизистоннинг собиқ президенти Алмазбек Атамбаев уйига навбатдаги ҳужум бошланди. Атамбаев штабидан хабар беришича, отишма овози эшитиляпти ёруғлик ва шовқинли гранаталар қўлланиляпти.

Атамбаев тарафдорларининг таъкидлашларича, 200 га яқин ички ишлар ходимлари ҳужумда иштирок этишяпти. Шунингдек, Sputnik Киргизиянинг маълумотига кўра, бешта автобус, учта “КамАз” ва иккита микроавтобус ички ишлар ходимлари билан қишлоқ томонга қараб йўлланган.

Атамбаев ҳали ҳам ўзининг қароргоҳида тансоқчилари билан турибди.