Андроид қурилмалар учун Zarnews.uz мобил иловаси. Юклаб олиш x

Тошкент шаҳрида коронавирус билан касалланганлар бўйича тўлиқ маълумот тақдим этилди

АОКА ҳузуридаги штабда Давлат бош санитария врачи Баҳром Алматов иштирокида ўтказилган брифингдан Тошкент шаҳрида коронавирус билан касалланганлар бўйича тўлиқ маълумот тақдим этилди. Унга кўра,

— 52 нафари уй бекаси,

— 20 нафари мактаб ўқувчиси,

— 12 нафари уюшмаган ёшлар вакили,

— 20 нафари ишсиз ҳисобланади.

Қайд қилинган беморларнинг ижтимоий келиб чиқиши, касби, ёши, ҳаёт тарзи, улар билан мулоқотда бўлганларнинг фаолиятини ҳам чуқур ўрганган ҳолда таҳлил қилиб боряпмиз.

Касалликнинг қай даражада юқиши, қайси мойил контенгентлар мавжудлиги ўрганилиб, касаллик хавфига дучор бўлган шахслар рўйхати тузилиб, уларнинг устидан тиббий назорат, қолаверса, лаборатория текширувлари орқали саломатлигига баҳо бериш йўлга қўйилган.

Тошкент шаҳри бўйича жами қайд этилган 355 та ҳолатни туманлар кесимида таҳлил қиладиган бўлсак, Юнусобод туманида 68 та, Сергелида 48 та, Олмазорда 47 та, Шайхонтоҳурда 37 та, Яшнободда 35 та, Мирзо Улуғбек туманида 33 та, Мирободда 29 та, Учтепада 27 та, Яккасаройда 13 та ҳолат қайд этилган.

Ушбу кўрсаткичлар инфекциянинг аҳоли ўртасида тарқалганини эмас, балки беморлар қайд этилган муассасаларнинг жойлашувига, қолаверса, карантинда сақланаётган фуқароларнинг карантин маскани жойлашган манзилга ҳам бевосита боғлиқ.

Шунинг учун биз ҳозир туманларда касалланганлар сони қайд этилишига қараб туриб, бизнинг туманимизда камроқ ёки бошқа туманда кўпроқ экан, деган фикрга боришимиз керак эмас.

Беморлар орасида 60 ёшдан катта ёшдагилар 32 нафарни, 50 ёшдан 60 ёшгача бўлганлар 28 нафарни, 30-39 ёшдагилар 82 нафарни, 20–29 ёшдагилар 88 нафарни ташкил қилади.

Шунингдек, беморларнинг 7 нафари 1 ёшгача, 3 нафари эса 1 ёшдан 2 ёшгача бўлган болалардир.