Туркманистон Президентининг ўлгани ҳақида миш-мишлар тарқалмоқда

Оммавий ахборот воситалари Гурбангули Бердимуҳамедов ўлгани ҳақида хабар тарқатди. Айтишларича, Туркманистон президенти жигар хасталигидан ўлганмиш. Баъзи сайтлар Бердимуҳамедовнинг аёнлари оммавий қамоққа олинаётганини, хусусан, ўғли Сердар уй қамоғида эканлигини ҳам айтяпти.

Лекин Гурбангулининг ўзи эмас, онаси ўлганининг эҳтимоли каттароқ. Президентнинг онаси анчадан бери оғир касал эди, Германияда даволанаётганди. Президентнинг самолётини ҳам ўша ерда кўришибди.

Ҳозирча бу ҳақда расмий ахборот берилгани йўқ.  

Хуллас, дунёнинг энг ёпиқ мамлакатидан бир-бирини инкор этувчи хабарлар келаяпти.