Yangi yil tilagi
Jumagul SUVONOVA – O‘zbekiston Yozuvchilar uyushmasi a’zosi, shoira:
– Mamlakatimizda ajdodlar merosini o‘rganish, kitobxonlik madaniyatini yuksaltirish davlat siyosati darajasiga ko‘tarilgani bejiz emas. Shu sabab, xalqimizning kitob mutolaa qilishga bo‘lgan qiziqishi yanada ortdi. Tilagim - 2019 yil shoir va yozuvchilarimizning 10 minglab nusxadagi kitoblari nashr etilsin. “Yosh kitobxon” tanlovida g‘olib bo‘lgan narpaylik Mohiniso Shomurodova, paxtachilik Malika O‘roqovalarning safi yanada kengaysin, kitob o‘qib “Spark” mashinasini oladiganlar ko‘paysin.
Yangi yilda bu ishlar bardavom bo‘lib, har bir mahallada kutubxonalar tashkil etilsin, u yerda kishilar kitob olish uchun uzundan-uzun navbatda tursin.
