Янги йил тилаги

Жумагул СУВОНОВА – Ўзбекистон Ёзувчилар уюшмаси аъзоси, шоира:

– Мамлакатимизда аждодлар меросини ўрганиш, китобхонлик маданиятини юксалтириш давлат сиёсати даражасига кўтарилгани бежиз эмас.  Шу сабаб, халқимизнинг китоб мутолаа қилишга бўлган қизиқиши янада ортди. Тилагим - 2019 йил шоир ва ёзувчиларимизнинг 10 минглаб нусхадаги китоблари нашр этилсин. “Ёш китобхон” танловида ғолиб бўлган нарпайлик Моҳинисо Шомуродова, пахтачилик Малика Ўроқоваларнинг сафи янада кенгайсин, китоб ўқиб “Спарк” машинасини оладиганлар кўпайсин.

Янги  йилда бу ишлар бардавом бўлиб, ҳар бир маҳаллада кутубхоналар ташкил этилсин, у ерда кишилар китоб олиш учун узундан-узун навбатда турсин.