Янги йил тилаги

Ўктам ҚАРШИЕВ, меҳнат фахрийси:

- Бугун биз, фахрийлар юртимизда рўй бераётган ўзгаришларни ёнбошлаб кузатибгина қолмасдан, бевосита унинг иштирокчисига айланганимиздан бошимиз кўкка етмоқда, ғайратимизга ғайрат, ёшимизга ёш қўшилмоқда. Давлатимизнинг юксак эътибор ва ғамхўрлигидан тўла баҳраманд бўлиб, иззат-икромдамиз. Нафақа пуллари шундоққина уйимизга келтириб берилса, ишловчи кексаларимизга пенсия пуллари тўласинча тўлаб берилиши жорий этилган бўлса. Яна қанчадан-қанча улуғ ишларнинг гувоҳи бўляпмизки, уларни кўриб, кўнгиллар қувонч ва шодликка тўлади. Биз учун бундан олий бахт борми?

Ўтаётган йилимиздан миннатдор ҳолда янги – 2019 йил янада қутлуғ, баракали келсин, деймиз. Файзли кунларимиз кўпайсин.