Самарқанд шаҳар ҳокими Инвестициялар ва ташқи савдо вазирининг ўринбосари вазифасига тайинланди

Шу кунгача Самарқанд шаҳри ҳокими вазифасида ишлаб келаётган Фурқат Раҳимов Инвестициялар ва ташқи савдо вазирининг ўринбосари вазифасига тайинланди. Бу ҳақда Самарқанд шаҳар ҳокимлиги ахборот хизмати хабар бермоқда.

Фурқат Жалолович Раҳимов 2017 йилнинг август ойида Самарқанд шаҳри ҳокими лавозимига тайинланган эди.

Фурқат Раҳимов шаҳар ҳокимлигида кенг жамоатчилик вакилларига ўз миннатдорчилигини билдирди.