1000 га яқин афғонистонлик Россияга киришга рухсат олди
Афғонистон диаспораси Афғонистондан Россия Федерациясига келишни истаган 1 мингга яқин кишига ёрдам бериш тўғрисидаги сўровига Россия ҳукуматининг розилигини олди.
"Кириш рухсатномасини олганлар орасида Россия Федерацияси фуқаролиги ва яшаш учун рухсатномага эга бўлган шахслар, шунингдек, талабалар бор", дейди Россиядаги Афғонистон Диаспоралари маркази президенти Ғулом Муҳаммад Жалол.
Аввалроқ Россиядаги Афғонистон Диаспоралари маркази президенти РИА Новости агентлигига берган интервьюсида Афғонистондан Россияга келишни истаганлар сони минглаб экани, Москвадаги афғон диаспораси уларнинг келишида Россия ҳукуматидан ёрдам сўраш ниятида эканлигини айтган эди.
"Бизда айрим тоифа (Афғонистон фуқаро) ларига (Россия Федерацияси расмийларидан) жавоб бор. Биз бу одамларни бир неча тоифаларга ажратдик: биринчидан, Россия фуқаролигига эга бўлган афғонистонликлар, иккинчидан, Россияда таҳсил олган ва айни пайтда Афғонистонда бўлган талабалар, учинчиси - тижорат тузилмаларида ишлаган ва Россияда ишлаш учун рухсатнома ва тегишли визага эга бўлганлар, тўртинчиси - яшаш учун рухсатнома олган шахслар", деди марказ раҳбари.
Унинг сўзларига кўра, ушбу тўрт тоифа вакиллари Россиянинг Афғонистондаги элчихонасига мурожаат қилишган. "Элчихона маъқуллади, ҳозир улар навбат кутишяпти, биринчи техник имконият - аэропорт очилгандан улар Россияга учиб кетишади".
«Россияга кирмоқчи бўлган афғонларнинг бир қатор тоифалари борасида музокаралар олиб борилмоқда. Россияга келмоқчи бўлган бошқа тоифадаги одамлар ҳақида савол очиқ. Умид қиламизки, бу масала ҳам ҳал бўлади. Энг кўп тоифа - илгари Россияда ўқиганлар, Россияга қайтишни истаган мутахассислар, оила аъзолари Россияда яшаётганлар. Террорчилар бу одамлар ниқоби остида мамлакатга кирмаслиги муҳим. Биз ҳам бундан қўрқамиз. Мисол учун, АҚШ халқни биринчи навбатда Марказий Осиёда жойлаштириш керак деган қарорга келди. Лекин ким билади, бу қочқинлар орасида қандай одамлар бўлади?", деди агентлик суҳбатдоши.
