8 ой ичида аёллар ўртасида 109 та ўз жонига қасд қилиш ҳолати кузатилган
Самарқанд вилояти хотин-қизлар раиси Гавҳар Алимова Sputnik мухбирига берган интервьюсида 8 ой ичида Самарқанд вилояти бўйича аёллар ўртасида ўз жонига қасд қилиш холати юзасидан фактлар келтирди:
“Биз илгарилари статистикани кўпроқ айтмас эдик, яширашдик. Бугунги кунда биз муаммони очиқ айтиб, уни илдизлари билан ишлаяпмиз. Масалан, 8 ой ичида Самарқанд вилоятида 109 та ўз жонига қасд қилиш ҳолати кузатилган. Шундан 20 тасига оилавий масала сабаб бўлган, яъни 25 фоизи бевосита тазйиқ ва зўравонлик оқибатида. Мисол тариқасида Каттақўрғон туманидаги ҳолатни келтириш мумкин. Эри қаттиқ уриши оқибатида аёл ўз жонига қасд қилди. Лекин у эркакка чора кўрилмади. Уни ўз жонингга қасд қилгин деб урмаган-ку, деган гап халқ орасида ва ҳуқуқ-тартибот органлари ичида бор масала. Мана бундан кейин қонунчиликда аниқ белгиланиб, уларга чоралар кўрилади”.
