Бир ярим ой олдин бедарак йўқолган 17 ёшли қиз Чирчиқдан топилди
Тафсилотларга кўра, 2020 йил 1 декабрь куни Тошкент вилояти Зангиота туманида яшовчи Ф.Собирова туман ИИБ бошлиғи номига ариза билан мурожаат қилиб, ўзи билан бирга яшовчи қизи - 2003 йилда туғилган Н.Мадалиева 1 декабрь куни яшаш манзилидан "Мактабга кетяпман", деб чиқиб кетиб, бедарак йўқолганлиги ҳақида мурожаат қилган.
Тошкент вилояти бўйича олиб борилган қидирув-суриштирув тадбирлари натижасида фуқаро Н.Мадалиева 2021 йил 20 январь куни Тошкент вилояти ИИБ тезкор ходимлари ва профилактика инспектори томонидан Чирчиқ шаҳри 8 кичик туман ҳудудида юрганлиги аниқланган ва соғ-саломат оиласига топширилган.
Бу ҳақда Тошкент вилояти ИИБ ахборот хизмати хабар берди.
