Бу йил қанча картошка етиштирилди?

Давлат статистика қўмитаси маълумотларига кўра, 2020 йилнинг январь-сентябрь ойларида 2 432,7 минг тонна картошка етиштирилган бўлиб, ушбу кўрсаткич 2019 йилнинг мос даврига нисбатан 101,6 фоизни ташкил қилди.

Етиштирилган картошкани бошқа тоифадаги хўжаликлар билан таққослаганда юқори кўрсаткич 2 096,1 минг тонна ёки умумий ишлаб чиқариш ҳажмининг 86,2 фоизи деҳқон (шахсий ёрдамчи) хўжаликларида қайд этилди.

Ишлаб чиқариш ҳажми бўйича ўтган йилга нисбатан фермер хўжаликларида 4,2 фоиз, деҳқон (шахсий ёрдамчи) хўжаликларида 1 фоиз ҳамда қишлоқ хўжалиги фаолиятини амалга оширувчи ташкилотларда 34,8 фоиз ўсиш қайд этилди.

Картошка ишлаб чиқариш умумий ҳажмининг энг юқори улушига эга ҳудудлар:

Самарқанд вилояти -  21,1 %

Сурхондарё вилояти - 11,8 %

Тошкент вилояти - 10,9 %

Фарғона вилояти - 9,9 %

Андижон вилояти - 9,4 %