"Динамо" Туркияда Украина, Руминия, Грузия ва Қирғизистон клубларига қарши ўйнайди
Суперлига янги мавсумига пухта ҳозирлик кўриш мақсадида 3 февраль куни Туркияга жўнаб кетган «Динамо» клубининг Анталиядаги йиғин доирасидаги ўртоқлик учрашувлари рўйхати маълум бўлди.
Клуб матбуот хизмати хабарига кўра, сербиялик бош мураббий Предраг Роган қўл остида «Динамо» жамоаси 4 февраль кунидан Сиде шаҳарчасида ўқув-машғулот йиғинига киришган.
«Жамоа кунига 2-3 маҳалдан машғулотлар ўтказмоқда. Уч ҳафталик йиғин доирасида Самарқанд жамоаси 5та назорат баҳсида майдонга тушадиган бўлди.
Хориждаги йиғин режасига биноан, «Динамо» илк учрашувини 6 февраль куни Украинанинг «Левый берег» клубига қарши ўтказса, 10 февралда Руминиянинг «Чиксереда» (Csíkszereda Miercurea Ciuc) жамоаси билан рўбарў келад», дейди клуб ахборот хизмати раҳбари Усмон Ибодов.
«Динамочилар» 14 февраль куни «Абдиш Ота» (Қирғизистон), 18 февраль «Гареджи» (Грузия), 23 февраль куни эса Украинанинг «Оболонь» клубига қарши майдонга тушади», - дейилади хабарда.
«Динамо»нинг Туркиядаги ўртоқлик учрашувлари рўйхати:
6 февраль (якшанба)
«Динамо» - «Левый берег» (Украина)
10 февраль (пайшанба)
«Динамо» - «Чиксереда» (Руминия)
14 февраль (душанба)
«Динамо» - «Абдиш Ота» (Қирғизистон)
18 февраль (жума)
«Динамо» - «Гареджи» (Грузия)
23 февраль (чоршанба)
«Динамо» - «Оболонь» (Украина).
Маълумот учун, «Динамо» жамоаси 24 февраль куни Туркиядан Ўзбекистонга қайтади.
