"Dinamo" Turkiyada Ukraina, Ruminiya, Gruziya va Qirg‘iziston klublariga qarshi o‘ynaydi
Superliga yangi mavsumiga puxta hozirlik ko‘rish maqsadida 3 fevral kuni Turkiyaga jo‘nab ketgan «Dinamo» klubining Antaliyadagi yig‘in doirasidagi o‘rtoqlik uchrashuvlari ro‘yxati ma’lum bo‘ldi.
Klub matbuot xizmati xabariga ko‘ra, serbiyalik bosh murabbiy Predrag Rogan qo‘l ostida «Dinamo» jamoasi 4 fevral kunidan Side shaharchasida o‘quv-mashg‘ulot yig‘iniga kirishgan.
«Jamoa kuniga 2-3 mahaldan mashg‘ulotlar o‘tkazmoqda. Uch haftalik yig‘in doirasida Samarqand jamoasi 5ta nazorat bahsida maydonga tushadigan bo‘ldi.
Xorijdagi yig‘in rejasiga binoan, «Dinamo» ilk uchrashuvini 6 fevral kuni Ukrainaning «Leviy bereg» klubiga qarshi o‘tkazsa, 10 fevralda Ruminiyaning «Chiksereda» (Csíkszereda Miercurea Ciuc) jamoasi bilan ro‘baro‘ kelad», deydi klub axborot xizmati rahbari Usmon Ibodov.
«Dinamochilar» 14 fevral kuni «Abdish Ota» (Qirg‘iziston), 18 fevral «Garedji» (Gruziya), 23 fevral kuni esa Ukrainaning «Obolon» klubiga qarshi maydonga tushadi», - deyiladi xabarda.
«Dinamo»ning Turkiyadagi o‘rtoqlik uchrashuvlari ro‘yxati:
6 fevral (yakshanba)
«Dinamo» - «Leviy bereg» (Ukraina)
10 fevral (payshanba)
«Dinamo» - «Chiksereda» (Ruminiya)
14 fevral (dushanba)
«Dinamo» - «Abdish Ota» (Qirg‘iziston)
18 fevral (juma)
«Dinamo» - «Garedji» (Gruziya)
23 fevral (chorshanba)
«Dinamo» - «Obolon» (Ukraina).
Ma’lumot uchun, «Dinamo» jamoasi 24 fevral kuni Turkiyadan O‘zbekistonga qaytadi.
