“Энг намунали туман ва шаҳар”

Иштихон тумани ушбу республика танловида иккинчи ўринга муносиб кўрилди.

Президент раҳбарлигида 2021 йил 19 январда ўтказилган Республика Маънавият ва маърифат кенгашининг мажлисида соҳа бўйича муҳим топшириқлар белгиланган эди. Ушбу вазифалар ижросини таъминлаш мақсадида 2024 йилда маънавий-маърифий ишларни тизимли йўлга қўйган, бу борада юқори самарадорликка эришган, ўз ҳудудида ижтимоий-маънавий муҳит барқарорлигини таъминлаган Қорақалпоғистон Республикаси Жўқорғи Кенгеси, вилоятлар ва Тошкент шаҳар ҳокимликлари тавсиясига кўра 14 та туман (шаҳар) “Энг намунали туман ва шаҳар” танловида иштирок этди.

Танловда Иштихон тумани иккинчи ўринни эгаллади. Бугун Тошкент шаҳрида бўлиб ўтган танлов ғолибларини тантанали тақдирлаш маросимида иштихонликлар вакилига 40 миллион сўм пул мукофоти топширилди.
Танловда Қорақалпоғистон Республикасининг Беруний тумани 1-ўринни эгаллади ва Президент совғаси – “Дамас” автомобили билан тақдирланди.