“Eng namunali tuman va shahar”

Ishtixon tumani ushbu respublika tanlovida ikkinchi o‘ringa munosib ko‘rildi.

Prezident rahbarligida 2021 yil 19 yanvarda o‘tkazilgan Respublika Ma’naviyat va ma’rifat kengashining majlisida soha bo‘yicha muhim topshiriqlar belgilangan edi. Ushbu vazifalar ijrosini ta’minlash maqsadida 2024 yilda ma’naviy-ma’rifiy ishlarni tizimli yo‘lga qo‘ygan, bu borada yuqori samaradorlikka erishgan, o‘z hududida ijtimoiy-ma’naviy muhit barqarorligini ta’minlagan Qoraqalpog‘iston Respublikasi Jo‘qorg‘i Kengesi, viloyatlar va Toshkent shahar hokimliklari tavsiyasiga ko‘ra 14 ta tuman (shahar) “Eng namunali tuman va shahar” tanlovida ishtirok etdi.

Tanlovda Ishtixon tumani ikkinchi o‘rinni egalladi. Bugun Toshkent shahrida bo‘lib o‘tgan tanlov g‘oliblarini tantanali taqdirlash marosimida ishtixonliklar vakiliga 40 million so‘m pul mukofoti topshirildi.
Tanlovda Qoraqalpog‘iston Respublikasining Beruniy tumani 1-o‘rinni egalladi va Prezident sovg‘asi – “Damas” avtomobili bilan taqdirlandi.