Эроннинг Покистонга илк ракета ҳужуми оқибатида болалар ҳалок бўлди

Берилган зарбалар оқибатида икки нафар бола ҳалок бўлган, уч нафари яраланган. Бу ҳақда Покистон ташқи ишлар вазирлиги хабарида айтилади.

Аввалроқ Теҳрон Покистондаги “Жайш ал-Адл” гуруҳи қароргоҳига ҳужум қилган эди.
"Покистон суверенитетини бузиш мутлақо қабул қилиниши мумкин эмас ва жиддий оқибатларга олиб келиши мумкин", дея таъкидлади ташқи ишлар вазирлиги.
Эронга қаттиқ норозилик билдирилди ва мамлакат муваққат ишлар вакили Покистон Ташқи ишлар вазирлигига чақирилди.
16 январь куни Эрон Ислом инқилоби қўриқчилари корпуси Покистоннинг Балужистон вилоятида жойлашган “Жайш ал-Адл” (“Адолат армияси”) террорчилик гуруҳининг асосий базасига учувчисиз самолёт ва баллистик ракеталар билан ҳужум уюштирган.
Бу Эроннинг Покистон ҳудудига биринчи ракета ҳужумидир.