Филиппинда 6,1 баллга тенг кучли ер силкиниши кузатилди
Филиппинда кучли ер силкиниши кузатилди, деб хабар берди Trend нашри.
Зилзила кучи 6,1 баллга тенг бўлди.
Қайд этилишича, 8 киши ҳалок бўлган ва 20 киши яраланган. Табиий офат бир қатор талофатларга сабаб бўлди. Жумладан, турар жой бинолари, дўконлар, йирик супермаркетлар ҳамда кўп қаватли биноларга зарар етган. Бир неча киши вайроналар остида қолгани хабар қилинмоқда.
Ҳозирда қидирув-қутқарув ишлари олиб борилмоқда.
